پاکستان دہشتگردی دے چیلنج نال نبڑن توں بعد ہنڑتبدیلی دے رستے تے ٹر پئے،صدر مملکت ڈاکٹر عارف علوی

اسلام آباد ۔24مارچ(اے پی پی)صدر مملکت ڈاکٹر عارف علوی آکھیے جو پاکستان دہشتگردی دے چیلنج نال نبڑن توں بعد ہنڑتبدیلی دے رستے تے ٹر پئے،پاکستان دہشتگردی دی لعنت نال نبڑن سانگے بہوں کجھ سیکھئے،جگ دہشتگردی دے خلاف ساڈے کامیاب تجربے توں فیدہ چاوے،مسلمان ملکاں کوں اسلاموفوبیا نال نبڑن کیتے مشترکہ حکمت عملی اپناونڑی ہوسی۔صدر مملکت داکٹر عارف علوی اسلام آباد اچ جشن نوروز سانگے تقریب نال خطاب کیتے۔ انہاں دا آکھنڑ ہا جو پاکستان دہشتگردی دی لعنت تے کامیابی نال قابو پاتے اتے ایندے توں بہوں کجھ سیکھیے ،جگ کوں چاہیدے جو او ساڈے تجربیاں توں فیدہ چاوے۔ انہاںا ٓکھیے جو پاکستان دہشتگردی دے چیلنج نال نبڑن توں بعد ہنڑتبدیلی دے رستے تے ٹر پئے۔صدر مملکت دا آکھنڑ ہا جو مسلم دنیا کوں ودھدے”اسلامو فوبیا“نال نبڑن کیتے ہکو جھیں اتے کٹھی حکمت عملی اپناونڑی چاہیدی اے تاں جو جگ اچ امن کوں ودھایاونج سگے۔انہاںا ٓکھیے جو نوروزقدرت دا حسن اتے تبدیلی دامیلہ اے،انساناں کوں ایں قدرت توں سیکھنڑا چاہیدے،ساکون عالمی حدت اتے موسمیاتی تبدیلی دے اثرات نال نمٹنر کیتے قدرت دے حسن دا خیال رکھنڑا ہوسی۔