پاکستان دی نیوزی لینڈ اچ دہشت گردی دے المناک واقعہ دی پرزور مذمت ، ترجمان دفتر خارجہ

اسلام آباد ۔ 15 مارچ (اے پی پی) پاکستان ،نیوزی لینڈ اچ دہشت گردی دے المناک واقعہ دی پرزور مذمت کریندے ہوئے آکھیے جونیوزی لینڈ اچ پاکستان داہائی کمیشن واقعہ دی تفصیلات گھنڑکیتے مقامی حکام نال رابطے اچ اے۔ ترجمان دفترخارجہ ڈاکٹر محمد فیصل اپنڑے ٹوئیٹ اچ آکھیے جو نیوزی لینڈ اچ پاکستان داہائی کمیشن واقعہ دی تفصیلات گھنڑ کیتے مقامی حکام نال رابطے اچ اے،وزیر خارجہ شاہ محمود قریشی وی کرائسٹ چرچ نیوزی لینڈاچ دہشت گردی حملے دی مذمت کیتی اے۔ وزیر خارجہ سوگوار ٹبراں کوں پرچاونڑی وی ڈتی اے۔ ترجمان آکھیے جو نیوزی لینڈ اچ پاکستانی ہائی کمیشن اچ منسٹر پولیٹیکل (سیل 6421779495) ساڈافوکل پوائنٹ اے۔