لاہور۔9 مارچ(اے پی پی )ریلوے دے وفاقی وزیر شیخ رشید احمد ریلوے ورکشاپ دے مزدوراں کوں ترائے ہزار رروپے فی کس ڈیونڑ دا اعلان کریندے آکھیے جو پاکستان ریلویز کوں ترکی ، ایران ، افغانستان اتے روس نال ملایا ویسی۔انہاں اے گالھ لاہور اچ ریلوے ورکشاپ مغلپورہ اچ نوین چلنڑ آلی نان سٹاپ ٹرین جناح ایکسپریس دے ریک دے معائنے دے بعد مزدوراں نال خطاب اچ آکھی۔انہاں دا آکھنڑ ہا جو ریلوے اچ چنگی سروس ڈتی ویسی تاں جو لوکاں کوں سف اچ سوکھ تھیوے،جیکر سروس چنگی ہوسی تاں لوک کرایہ وی خوشی نال ڈیسن۔انہاں آکھیے جو ریلوے اچ 10ہزار نوکریاں کڈھین،بھرتی صرف میرٹ تے تھیسی، بھرتیاں اچ ٹی ایل اے ملازمین کوں وی حصہ ملسی،لاہور، کراچی اتے بئے وڈے سٹیشناں کوں اپ گریڈ کرنڑ تے منصوبہ بندی کیتی ویندی پئی اے۔ ایں موقع تے چیئرمین ریلویز سلطان سکندر راجہ ، چیف ایگزیکٹو آفیسر محمد آفتاب اکبراتے بئے ریلوے اعلیٰ افسران وی موجودہن۔
