اسلام آباد ۔ 27 مارچ (اے پی پی) سیکرٹری خارجہ تہمینہ جنجوعہ آکھیا جو پاک روس تعلقات اچ انقلابی تبدیلیاں امدیاں پئن،ڈوہیں ملکاں اچ ملٹری ٹو ملٹری،توانائی سمیت بئے شعبیاں اچ سٹریٹجک تعاون تکھے ودھدے پئن،پاکستان افغانستان سمیت خطہ اچ امن چاہندے،پاکستان دہشت گردی دے خلاف جنگ اچ بہوں جانی تے مالی قربانیاں ڈتن۔اے گالھ انہاں بدھ کوں اتھاں سٹرٹیجک وژن انسٹی ٹیوٹ اسلام آباد ولوں پاکستان۔روس سٹرٹیجک تعاون دے موضوع تے ہک روزہ بین الاقوامی کانفرنس دے افتتاحی سیشن نال خطاب کریندے ہوئیں آکھی۔انہاں آکھیا جو ڈوہیں ملکاں اچ اقتصادی اتے تجارتی رابطیاں کوں بئیا ودھاونڑ دی لوڑھ اے۔
