اسلام آباد ۔2 مارچ (اے پی پی) وزیراعظم دے ترجمان ندیم افضل چن آکھیے جو پوری قوم وزیراعظم عمران خان دے جذبہ خیر سگالی دی تعریف کریندی پئی اے ایندے نال خطے اچ جنگی جنون کوں ٹھڈا کرنڑ اچ مدد ملسی۔ ہک نجی ٹی وی چینل نال الویندے انہاں آکھیا جو قوم بھارتی جارحیت دے خلاف حکومت، مسلح افواج اتے اپوزیشن جماعتاں دے ہک مٹھ تھیونڑ کوں چنگاں سمجھیے اتے تعریف کیتی اے،پوری قوم کٹھی تھی تے اپنڑی فوج دے نال کھڑی اے جیں ڈو بھارتی طیارے مار ڈھوائن۔ترجمان وزیراعظم آکھیا جو بھارت ولوں مسلسل لائن آف کنٹرول تے خلاف ورزیاں اتے کشمیریاں تے مظالم قابل مذمت ہین،وزیراعظم بھارتی پائلٹ کوں چھور تے کھلا سنیہا ڈتے جو پاکستان جنگ نئیں امن چاہندے۔
