پوری قوم کوں مسلح افواج دی صلاحیتاں تے مکمل بھروسہ ہے، پاکستان کہیں ملک دے خلاف جارحانہ عزائم نی رکھیندا ،لیکن اپنڑے دفاع دا حق محفوظ رکھیندے،وزیر خارجہ شاہ محمود قریشی

اسلام آباد ۔ 27 مارچ (اے پی پی) وزیر خارجہ شاہ محمود قریشی آکھیے جو پوری قوم کوں مسلح افواج دی صلاحیتاں تے مکمل بھروسہ ہے، پاکستان کہیں ملک دے خلاف جارحانہ عزائم نئیں رکھیندا لیکن اپنڑے دفاع دا حق محفوظ رکھیندے۔ ایہ گالھ انہاں بدھ کوں فضائیہ ہیڈ کوارٹرز اچ پاک فضائیہ دے سربراہ ایئر چیف مارشل مجاہد انور خان نال ملاقات دوران کیتی۔ ملاقات دوران خطہ اچ امن و امان دی صورتحال سمیت اہم امور تے گالھ مہاڑ کیتی گئی۔ ایئر چیف مارشل مجاہد انور خان کہیں وی جارحیت نال نبڑن سانگے پاک فضائیہ دی تیاریاں دے حوالہ نال وزیر خارجہ مخدوم شاہ محمود قریشی کوں بریفنگ ڈتی۔ وزیر خارجہ مخدوم شاہ محمود قریشی پاک فوج دی پیشہ وارانہ مہارت اتے خاص کر پاک بھارت کشیدگی دوران پاک فضائیہ دی کارکردگی دی تعریف کیتی۔