لاہور۔ 2 مارچ (اے پی پی)وفاقی وزیر اطلاعات و نشریات فواد چوہدری آکھیے جوپورے جگ پاکستان دے امن دے سنیہے دی حمایت کیتی اے، وپاکستان دا مستقبل روشن اے، ساڈا مقابلہ ونڈیے ہوئے ہندوستان نال اے،بھارت نال کشیدگی دے معاملے تے ساریاں سیاسی جماعتاں ہک مٹھ تھی گین،وزیراعظم امن دا سنیہا ڈتے جیندی ہرکوئی تعریف کریندا پئے،سعودی عرب، ترکی، ایران اتے قطر سودھے بئے کئی ملک پاکستان دے نال کھرن، ساڈے میڈیا بہوں ذمہ داری ڈکھائی اے،اساں کشمیر دے موقف توں پچھو نئیں ہٹ سگدے۔ اے گالھ وفاقی وزیر اطلاعات و نشریات فواد چوہدری نجی یونیورسٹی دے کانووکیشن نال خطاب اچ آکھی۔انہاں آکھیے جو بھارت نال اجوکے جھیڑے ویلھے پورے پارلیمان کٹھے کھرے تھی تے حکومتی پالیسی تے اعتمادکیتے، اساں بھارت نال ترائے جنگاں لڑ چکیے ہیں جیکر لوڑھ پئی تاں چوتھی وی بھر گھنسوں بھل اساں خطے اچ امن چاہندے ہیں، ایں سانگے وزیراعظم بھارتی پائلٹ چھوڑ تے بھارت ہی نئین پوے جگ کوں سنیہا ڈتے جو اساں جنگ دی بجائے امن اتے معاشی طور تے ترقی کیتے ودھنڑ دی خواہش رکھدے ہیںایندے تے پورے جگ پاکستان دے اقدام دی حمایت اتے تعریف کیتی اے،سعودی عرب، ترکی، ایران اتے قطر سودھے کئی ملک ساڈے نال کھڑن۔ انہاں آکھیے جیکر اساں افغانستان اچ امن کیتے اپنڑا کردارادا کرنڑ اچ کامیاب تھی گئے تاں اے خطے کیتے ہک وڈا کارنامہ ہوسی۔وفاقی وزیر آکھیے جو اساں بھارت کوں اے سنیہا ڈتے جواپنڑا مائنڈسیٹ بدلو اتے سوچو جو پلوامہ جھیاں سانحہ کیوں تھئے؟
