پی ایس ایل دی اختتامی تقریب اچ نازیہ حسن کوں خراج تحسین پیش کرنڑدا فیصلہ

اسلام آباد۔14مارچ(اے پی پی)پی سی بی پاکستان سپر لیگ دی اختتامی تقریب اچ مرحوم گلوکارہ نازیہ حسن کوں خراج تحسین پیش کرنڑدا فیصلہ کیتے ایں سانگے اختتامی تقریب اچ گلوکارہ نازیہ اتے ذوہیب حسن دامشہور گاونڑ”دوستی“گایا ویسی جیہڑا1980اچ ریلیز تھیا ہا۔نازی حسن دے بھراگلوکار ذوہیب حسن اپنڑے ٹویٹ تے ایں فیصلے دا خیر مقدم کریندے آکھیے جو پی ایس ایل دی اختتامی تقریب اچ انہاں دی بھینڑاتے میڈا کامیاب اتے مشہور گاونڑا’دوستی‘ پرفارم کیتا ویسی۔ایں توں پہلے ذوہیب حسن چوڈاں فروری کوں پی ایس ایل دی افتتاحی تقریب اچ ’ڈسکو دیوانے‘بغیر اجازت گاونڑ تے ناراضگی ڈکھیندے ہوئیں قانونی کارروائی دا اعلان کیتا ہا بھل ہنڑ پی ایس ایل انتظامیہ اتے گلوکار زوہیب حسن دا جھیڑا مُک گئے اتے انہاں کوں پاکستان سپر لیگ دی اختتامی تقریب اچ شرکت دی دعوت ڈیندے ہوئے منصوبہ بندی مکمل کر گھدی گئی اے۔ذوہیب حسن آکھیے جو چھیکڑی تقریب اچ ’ڈسکو دیوانے‘اتے ”دوستی“گاونڑ دے نال نال نازیہ حسن کوں وی خراج تحسین پیش کیتا ویسی۔