اسلام آباد ۔ 20 مارچ (اے پی پی) ملک اچ فٹ بال دے کھیڈ دے فروغ سانگے بنڑائی گئی خصوصی کمیٹی دااجلاس چیئرمین سینیٹ محمد صادق سنجرانی دی سربراہی اچ بدھ کوں پارلیمنٹ ہاﺅس اچ تھیا۔ کمیٹی ملک اچ فٹ بال دے فروغ سانگے چنگیاں تجویزاں ڈیونڑ، جاری کوششاں ودھاونڑ اتے ایں کھیڈتوں متعلق ٹیلنٹ لبھنڑ سانگے کردار ادا کریسی۔ چیئرمین سینیٹ محمد صادق سنجرانی اجلاس دی صدارت کریندے ہوئیں آکھیے جوپاکستان اچ فٹ بال توں متعلق ڈھگ ساراٹیلنٹ موجود ہے ، تاں جو ملک اچ فٹبال سانگے بنیادی ڈھانچہ نہ ہونڑ اتے بئے مسئلیاں پاروں نینگراں دی صلاحیتاں کوں سامنڑے نی لاتا ونج جا سگیا۔
