اسلام آباد ۔ 19 مارچ (اے پی پی) چیئرمین سینیٹ صادق سنجرانی ملک اچ فٹ بال دے فروغ سانگے 8 رکنی کمیٹی بنڑا ڈتی ہے۔ کمیٹی داپہلا اجلاس (اج) بدھ کوں شام چاروجے پارلیمنٹ ہاﺅس اچ تھیسی ۔اٹھ رکنی کمیٹی دے کنونیر چیئرمین سینیٹ صادق سنجرانی ہوسن۔ کمیٹی اچ قائد ایوان شبلی فراز، سینیٹر محمد علی سیف، سینیٹر دلاور خان، سینیٹر احمد خان، اسد اشرف، مرزا آفریدی اتے پاکستان فٹ بال فیڈریشن دے صدر انجنیئر سید اشفاق حسین شاہ شامل ہن۔ چیئرمین سینیٹ صادق سنجرانی آکھیے جو کمیٹی بناونڑ دا مقصد ملک اچ فٹ بال کوں فروغ ڈیونڑ ہے، ایں سلسلہ سینیٹ سیکرٹریٹ باضابطہ نوٹفکیشن وی جاری کر ڈتے۔ چیئرمین سینیٹ صادق سنجرانی کمیٹی دا پہلا اجلاس (اج) بدھ کوں شام چاروجے پارلیمنٹ ہاﺅس اچ سڈ گھدے۔
