کرائسٹ چرچ ۔ 15 مارچ (اے پی پی) نیوزی لینڈ دے شہر کرائسٹ چرچ دی مسیت اچ فائرنگ دے افسوسناک واقعے دے بعد نیوزی لینڈ اتے بنگلادیش دیاں ٹیماں وچال (اج) چھنڑ چھنڑ کوں تھیونڑ آلاترائے ٹیسٹ میچاں دی سیریز داتریجھا اتے چھیکڑی ٹیسٹ منسوخ کر ڈتا گئے اتے بنگالی ٹیم دورہ منسوخ کرتے وطن کیتے تیاری بدھ گھدی اے۔بنگلہ دیشی کرکٹ ٹیم دے کھیڈاڑی وی ڈینز ایونیو دی مسیت اچ جمعہ پڑھنر ویندے پئے ہن بھل او خوش قسمتی نال محفوط رہین۔ کیویز بورڈواقعہ تے افسوس کریندے ہوئے چھیکڑی ٹیسٹ منسوخ کرنڑ دی تصدیق کیتی اے۔ڈوجھے پاسو بنگلہ دیشی ٹیم بارے ڈسایا گئے جو بنگالی ٹیم سیریز منسوخ کر تے واپسی دی تیاری بدھ گھدی اے۔ میزبان ٹیم کوں سیریز اچ ڈو صفر دی وتھی ہئی۔
