کرپشن اتے لٹ مار کوں بے نقاب کرنڑ دا مشن پاکستان تحریک انصاف اتے اتحادیاں دا کٹھا فیصلہ ہا جیکوں توڑ پجیسوں،وزیرِ اعظم عمران خان دی علی محمد گوہر دی رہائشگاہ تے اراکین اسمبلی اتے سینئر قیادت نال گالھ مہاڑ

APP56-30 GHOTKI: March 30 – Prime Minister Imran Khan responding to public during a gathering at Khangarh. APP photo by Nadeem Akhtar

اسلام آباد/گھوٹکی ۔ 30 مارچ (اے پی پی) وزیرِ اعظم عمران خان آکھیے جو کرپشن اتے لٹ مار کوں بے نقاب کرنڑ دا مشن پاکستان تحریک انصاف اتے اتحادیاں دا کٹھا فیصلہ ہا جیکوں توڑ پجیسوں۔ اے گالھ وزیرِ اعظم عمران خان دورہ گھوٹکی ویلھے علی محمد گوہر دی رہائشگاہ تے اراکین اسمبلی اتے سینئر قیادت نال گال مہاڑ کریندے آکھی۔ملاقات اچ سندھ دی مجموعی صورتحال، اتحادی امور اتے سندھ دے عوام دی فلاح و بہبود کیتے وفاق دے اقدامات تے الوایا گئے۔وزیر اعظم آکھیے جو کرپشن اتے لٹ مار کوں بے نقاب کرنڑ دا مشن پاکستان تحریک انصاف اتے ا وندیاں اتحادی جماعتاں دا مشترکہ فیصلہ ھا، اساں رل تے ایں مشن کوں توڑ پچیسوں،سندھ دے عوام دی غربت دی وجہ وسائل دی کمی نئیں بھل بے لگام کرپشن اے جئیں صوبے دی عوام کوں غربت دی دلدل اچ سٹیے،ذاتی مفادات کیتے اداریاں کوں تباہ کیتا گئے اتے عوام دے پیسے نال اپنڑیاں تجوریاں بھریاں گین۔وزیر اعظم آکھیا جو عوامی نمائندگان عوام دے مسائل دی نشاندہی اتے حل کیتے متحرک کردار ادا کرن،وفاقی حکومت سندھ دے عوام دے مسائل دے حل کیتے ہر تعاون کریسی۔