گیس دی کوئی لوڈشیڈنگ نئیں تھیندی پئی، وزیر پٹرولیم غلام سرور خان

اسلام آباد ۔ 08 مارچ (اے پی پی) وزیر پٹرولیم غلام سرور خان آکھیے جو گیس دی کوئی لوڈشیڈنگ نئیں تھیندی پئی لائن لاسز اچ ودھارا ضرور تھی گئے۔سینیٹ اجلاس اچ سوالاں دا جواب ڈیندے وزیر پٹرولیم آکھیا جو گیس دی کوئی لوڈ شیڈنگ کائنی،لائن دی چیکھر آلے علاقیاں اچ پریشر اچ کمی پاروں گیس نہ پجدی ہئی جڈاں جو لائن لاسز اچ ہک فیصد یعنی 2 ارب روپے دا ودھارا تھئے،گیس چوری پنجاب اچ 2016-17ءاچ 124، 2017-18ءاچ 144 ایف آئی آر تھین، خیبرپختونخوا دے گیس پیدا کرنڑ آلے علاقیاں اچ وی بہوں چوری تھیندی پئی اے جڈاں جو بلوچستان اچ وی لیکجز ہین۔