اسلام آباد ۔ 4 مارچ (اے پی پی) وزیر خارجہ شاہ محمود قریشی ایوان کوں ڈسایا جو پارلیمنٹ دی متفقہ قرارداد پاروں او آئی سی پاکستان دے حق اتے بھارت دے خلاف قرارداداں پاس کیتی،ہندوستان کوں او آئی سی ولوں کشمیر اچ بھارتی مظالم بے نقاب کرنڑ تے تکلیف تھئی اے،او آئی سی دی اجوکی قرارداداں نال بھارتی مظالم بے نقاب تھین،او آئی سی دے اجلاس اچ جنہاں کوں شرکت دی دعوت ڈتی گئی اے او اتھاں ونج کراہیں کجھ حاصل نی کر سگے،اساں نہ ونج کراہیں وی سارا کجھ حاصل کر گھدے۔سنوار کوں قومی اسمبلی اچ گالھ مہاڑ کریندیں ہوئیں انہاں آکھیا جو وڈے عرصے توں کوشش تھیندی پی ہئی جو ہندوستان مسلماناں دے ناں تے او آئی سی دا ممبر یا مبصر بنڑ ونجے جڈانجو اینویں نی تھی سگدا،کیا اسرائیل اتے میانمر اچ مسلمان کائنی،اگر اے ملک او آئی سی دے ممبر نی بنڑ سگدے تاں بھارت وی کہیں صورت او آئی سی دا ممبر نی بنڑ سگدا،اے ایوان دا متفقہ فیصلہ ہئی ۔
