اسلام آباد ۔ 26 مارچ (اے پی پی) یورپی پارلیمنٹ دے رکن واجد خان اتے پاکستان یورپین یونین فرینڈشپ گروپ دے چیئرمین پرویز لوسر منگل کوں وزارتِ خارجہ اچ سیکرٹری خارجہ محترمہ تہمینہ جنجوعہ نال ملاقات کیتی ۔ ملاقات دے دوران یورپین پارلیمنٹ اچ منعقدہ کشمیر کانفرنس دے حوالے نال گال مہاڑ تھئی ۔ ڈوہیں رہنماواں یورپین یونین اچ کشمیر اچ انسانی حقوق دی سنگین ورزیاں دے حوالے نال کیتی ونجنڑ آلی سماعت دی تفصیل دا سیکرٹری خارجہ کوں ڈسایا ۔ایں موقع تے سیکرٹری خارجہ تہمینہ جنجوعہ مسئلہ کشمیر کوں یورپین پارلیمنٹ اچ اجاگر کرنڑتے پاکستانی کمیونٹی نال تعلق رکھنڑآلے یورپین پارلیمنٹرین کوں مبارخ ڈتی ۔ سیکرٹری خارجہ ڈوہیں رہنماواں دی آمد تے انہاں دا شکریہ ادا کیتا ۔
