لاہور۔23مارچ(اے پی پی )یوم پاکستان دے موقع تے حکیم الامت علامہ ڈاکٹر محمد اقبال دے مزارتے تبدیلی گارڈز دی تقریب تھئی۔مزار اقبال تے پاک فضائیہ دے دستے پاک رینجرز توں چارج گھدے۔مہمان خصوصی ائیر کموڈور رضوان ملک خصوصی پریڈ دا معائنہ کیتے۔ بیس کمانڈر پی اے ایف ائیر کموڈر سید صباحت حسن مزار اقبال تے پھلاں دی چادر چڑھائی ، فاتحہ خوانی کیتی اتے کتاب یادداشت اچ اپنڑے تاثرات لکھیے۔ڈوجھے پاسو لاہور اچ محفوظ شہید گریثرن اچ نماز فجر دے بعد پر وقار تقریب تھئی اتے پاک فوج دے دستے اکوی توپاں دی سلامی ڈتی۔جواناں نعرہ تکبیر اللہ اکبر تے پاکستان زندہ باد دے نعرے لائے۔
