اسلام آباد ۔ 23 مارچ (اے پی پی)23مارچ کوںیوم پاکستان دے موقع تے صدراتے وزیراعظم ہک عظیم اسلامی فلاحی ریاست دے ہدف تے پجنڑ دا زورڈتے۔اپنڑے سنیہے اچ صدر مملکت ڈاکٹر عارف علوی آکھیے جو پاکستان انتہاپسندی اتے دہشت گردی تے کامیابی نال قابو پا گھدے بھل حالی وی ملک کوں سماجی ،اقتصادی لحاظ نال مستحکم کرنڑ دی لوڑھ اے جڈاں جو وزیراعظم قوم کوں مبارک ڈیندے ہوئے آکھیے جو حکومت ہک اینجھامعاشرہ بنڑاونڑ چاہندے اے جتھاں ہرکوئی اپنڑیاں بہترین صلاحیتاں دے مطابق ملک دی سماجی واقتصادی ترقی اچ ہتھ ونڈا سگے۔ اپنڑے انجھ انجھ سنیہڑے اچ صدر اتے وزیراعظم قوم تے زور ڈتے جو او ہک مٹھ تھی ونجن اتے بابائےق ائد محمد علی جناح دے فلسفے دے مطابق ملک کوں ہک حقیقی اسلامی، فلاحی ریاست بنڑاونڑ کیتے اپنڑا اپنڑاقومی کردار ادا کرن۔انہاںا ٓکھیے جو اساں انجھا پکاستان بنڑاونڑے جیندا خواب بابائے قوم قائداعظم محمدعلی جناح ڈٹھا ہا۔ صدر مملکت آکھیے جو گو اساں دہشتگردی اتے انتہا پسندی دی لعنت توں وڈی حد تئیں نجات پا گھدی اے بھل حالی وی ساکوں ملک اچ اقتصادی اتے مساجی مسائل دا سامنڑا اے جیندے نال نبڑن کیتے رل مل تے کم کرنڑ دی لوڑھ اے۔وزیراعظم آکھیے جو قائد اعظم ہیک انجھا پاکستان چاہندے ہن جتھاں ہر شہری،بغیر کہیں رنگ، نسل،مذہب اتے فرقے دے ونجھ دے سکون نال جی سگے ،حکومت اینجھے پاکستان دے قیام کیتے ڈینہہ رات کوشش کریندی پئی اے، اپنڑے قومی ڈینہہ دے موقع تے ساکوں انہاں کشمیری بھراواں کوں نئیں بھلنڑا چاہیدا جیہڑے ہک عرصے توں بھارت دی ریاستی دہشت گردی دانشانہ بنڑدے پین اتے اوکھ نال جیندے پین۔
