اسپن باﺅلر شاداب خان اپنڑے علاج سانگے منگل کوں انگلینڈ روانہ تھیسن

لاہور۔22 اپریل(اے پی پی )بیماری دی وجہ نال دور ہ انگلینڈ سانگے قومی ٹیم توں ڈراپ تھیونڑ آلے اسپن باﺅلر شاداب خان اپنڑے علاج سانگے منگل کوں انگلینڈ روانہ تھیسن ۔پی سی بی شاداب خان دی ڈاکٹر پیٹرک کینیڈی نال ملاقات سانگے خمیس اتے جمعہ دا ٹائم گھن گھدے ،شاداب خان جنھاں کوں دورہ انگلینڈ اتے ورلڈ کپ سانگے قومی ٹیم اچ شامل کیتا گیا ہا لیکن انہاں دے خون اچ وائرس دی نشاندہی پاروں انہاں کوں دورہ انگلینڈ سانگے ٹیم توں ڈراپ کرڈتا گئے اتے چار ہفتے دی ریسٹ ڈتی گئی جڈاں جو شاداب دی جاءتے یاسر شاہ کوں ٹیم دا حصہ بنڑایا گئے۔شاداب خان انگلینڈ دے ڈاکٹراں توںاپنڑاں علاج کرویسن ،تاں جو اوہ ورلڈ کپ تئیں فٹ تھی سگن۔