اسلام آباد ۔ 13 اپریل (اے پی پی) ڈپٹی سپیکر قومی اسمبلی قا سم خان سوری آکھیے جو اپنڑے ماحول اتے نسلاں دے چنگے مستقبل کیتے شجر کا ری تے توجہ ڈیونڑی ہوسی،پا کستان اچ جنگلا ت بہوں تیزی نال مکدے پین جیندے نال ماحول تے گندا اثر پوندے۔ اے گالھ ڈپٹی سپیکر قومی اسمبلی قا سم خان سوری شجر کاری دی تقریب نال خطاب اچ آکھی۔انہاںا ٓکھیا جو وزیر اعظم عمران خان ملک کوں سرسبز و شاداب، ہرا بھرا اتے ماحول دوست ملک ڈیکھنڑ چاہندن ، اساں وزیر اعظم دے ایں ویژن کون اگو تے ودھاونڑ کیتے ہر اقدام کریسوں،خیبر پختونخوااچ شجر کاری مہم کامیاب رہی اے جیکوں پورے جگ منیے کیوں جو شجر کا ری اج دے ویلھے دی ہک بہوں وڈی لوڑھ اے اتے پورے جگ اچ ماحولیاتی تبدیلیاں نال نمٹنڑ دا ہک وڈا ذریعہ وی اے، ساکون چاہیدے جو اساں نہ صرف آپ درخت لاووں بھل بنھاں کوں ودھ توں ودھ درخت لاونڑ داآکھوں۔انہاں کوئٹہ اچ تھیونڑ االے بم دھما کے دی وی شدید الفاظ اچ مذمت کیتی اتے آکھیا جو نیشنل ایکشن پلا ن دے تحت اہم اقدا مات تھیندے پین تاں جو دہشتگردی دیاں پاڑاں پٹیان ونج سگن۔