پاک بحریہ دے سربراہ ایڈمرل ظفر محمود عباسی دا چین اچ چینی شپ یارڈز اتے شنگھائی اچ ہڈونگ ژانگوا شپ یارڈسودھا ووہان اچ شوانگ لیو کنسٹرکشن بیس دا دورہ

اسلام آباد ۔ 27 اپریل (اے پی پی) پاک بحریہ دے سربراہ ایڈمرل ظفر محمود عباسی چین اچ پاک بحریہ دے جہازبنڑاونڑ دے جائزے کیتے چینی شپ یارڈزدے دورے سودھے شنگھائی اچ ہڈونگ ژانگوا شپ یارڈ اتے ووہان اچ شوانگ لیو کنسٹرکشن بیس دا وی دورہ کیتے جتھاں نیول چیف کوں شپ یارڈ اتے کنسٹرکشن بیس تے جہاز سازی دی سہولیات تے تفصیلی بریفنگ ڈتی گئی۔ نیول چیف شپ یارڈ اتے کنسٹرکشن بیس دے مختلف حصے وی ڈٹھے اتے پاک بحریہ کیتے بنڑائے گئے پلیٹ فارمز دا جائزہ گھدے۔بعد اچ او چین اچ مختلف جہاز ساز کمپنیاں دے سربراہان نال وی ملین اتے انہاں نال پاک بحریہ دے چین اچ جاری پراجیکٹس اتے بئے باہمی اشتراک دے معاملیاں تے الوائے۔