اسلام آباد ۔ 24 اپریل (اے پی پی) سابق وزیرخزانہ تے تحریک انصاف دے رکن قومی اسمبلی اسد عمرآکھیا جو لٹی ہوئی دولت دے خلاف گھیرا تنگ تھیندا پے،جعلی اکاﺅنٹس نکلدے پئن،پیپلز پارٹی دی حکومت اچ قومی قرضیاں اچ 135فیصد ودھارا ریکارڈ کیتا گیا جیڑھا جو ساریاں توں ودھ اے،ایں ویلھے ملک اچ ایجھی حکومت اے جیڑھی جو اقتصادی مافیاز دے خلاف کھڑی اے۔سابق وزیرخزانہ اسد عمر دی قومی اسمبلی اچ گالھ مہاڑکریندیں ہوئیں آکھیا جو بلاول بھٹو کوں غدار نی سمجھدا،پیپلز پارٹی دی حکومت چار وزیر خزانہ بدلیے،اگر اساں ناکام ہیسے تاں او ناکام ترین اتے نااہل ترین ہن ۔اسد عمر آکھیا جو بلاول پاکستان دے معاشی قتل دی گالھ کیتی اے،پاکستان دی معیشت دی ترقی رفتار سست اے،آونڑ آلے ڈو ترائے سالیں اچ معاشی ترقی دی رفتار سست رہسی،ساکوں جیڑھی رفتار نال وگوں ودھنڑ دی لوڑھ اے او ترقی نی تھیندی پئی۔
