راولپنڈی۔ 16 اپریل (اے پی پی) پاک فوج دے سربراہ جنرل قمر جاوید باجوہ کمبائنڈ ملٹری ہسپتال( سی ایم ایچ) دے نویں بلاک دا افتتاح کر ڈتے ۔ایہ منصوبہ 2013اچ شروع تھیا ۔آئی ایس پی آر مطابق ایں منصوبے دے مکمل تھیونڑ دے بعد سی ایم ایچ 1150بیڈ گنجائش دا ہسپتال بنڑ گئے ۔ سی ایم ایچ دی او پی ڈی اچ جدید آلات لاتے گن ،گنجائش ودھنڑ دے بعد ہنڑ سی ایم ایچ دی او پی ڈی اچ روزانہ پنج ہزار مریضاں کوں چیک کرنڑ دی سہولت ملسی ،ایہ ہسپتال فوجی اتے سویلین پینل مریضاں کوں علاج دی چنگیاں سہولتاں ڈیسی،سٹیٹ آف دی آرٹ سی ایم ایچ ہسپتال اچ نہ صرف پاک فوج بلکہ پاک فضائیہ اتے پاک بحریہ دے افسراں اتے جواناں کوں وی علاج دی سہولتاں ملدیاں پن ۔
