آرمی چیف جنر ل قمر جاوید باجوہ نال امام کعبہ ڈاکٹر عبداللہ عواد الجہنی دی ملاقات‘ ڈوہائیں ملکاں وچال بھرپی آلے تعلقات ودھاونڑ تے گالھ مہاڑ کیتی گئی‘ آئی ایس پی آر

راولپنڈی۔15 اپریل (اے پی پی) پاک فوج دے سربراہ جنر ل قمر جاوید باجوہ نال امام کعبہ ڈاکٹر عبداللہ عواد الجہنی ملاقات کیتی۔ ملاقات اچ ڈوہائیں ملکاں وچال بھرپی آلے تعلقات ودھاونڑ تے گالھ مہاڑ کیتی گئی۔آئی ایس پی آر مطابق امام کعبہ ڈاکٹر عبداللہ عواد الجہنی سنوار کوں راولپنڈی اچ پاک فوج دے سربراہ جنرل قمر جاوید باجوہ نال ملاقات کیتی ۔امام کعبہ ملاقات دوران خطے اچ امن واستحکام سانگے پاکستان دے چنگا کردار دی تعریف کریندے ہوئیں آکھیا جو پاکستان دامسلم دنیا اندر وڈا اہم مقام ہے۔