آزادی صحافت دا عالمی ڈینھ جمعے کوں منایا ویسی

لاہور۔ 30 اپریل (اے پی پی)پاکستان سمیت پوری دنیا اچ آزادی صحافت دا عالمی ڈینھ ”ورلڈ پریس فریڈم ڈے“3 مئی جمعے کوں چنگے طریقے نال منایا ویسی ۔ایں ڈینھ دی مناسبت نال پاکستان دی نمائندہ صحافتی تنظیماں دے زیر اہتمام سیمینارز، ریلیاں اتے مختلف تقریباں دا اہتمام کیتا ویسی جیں اچ مقررین ملک اچ آزادی صحافت دی صورتحال اتے صحافت دی آزادی دے رستے اچ رکاوٹاں بارے اظہار خیال کریسن۔ آزادی صحافت دا عالمی ڈینھ مناونڑ دا مقصد پیشہ وارانہ فرائض دی بجا آوری کیتے الیکٹرانک تے پرنٹ میڈیا کوں درپیش مشکلات ، مسئلے ، دھمکی آمیز رویں اتے صحافیاں دی زندگی کوں درپیش خطرات متعلق قوم اتے دنیا کوں آگاہی ڈیونڑیں اے ۔اے ڈینھ دے انعقاد دی ہک وجہ سوسائٹی کوں اے یاد کراونڑاں اے جو عوام کوں حقائق تے مبنی خبراں ڈیونڑ کیتے کتنے صحافی ایں دنیا توں چلے گن تے کئی مشکل حالات دا شکار ہن ۔” ورلڈ پریس فریڈم ڈے“ دا آغاز3 مئی 1993ءکوں تھیا جڈاں جو ایں ڈینھ دی باقاعدہ منظوری اقوام متحدہ دے ادارے جنرل اسمبلی ڈتی ہئی۔