آغا سراج درانی اسپیکر بنڑن،ڈان نہ بنڑن،خرم شیر زمان کوں ایوان اچ دھمکیاں ڈیونڑ قابل مذمت اتے افسوس ناک ہے، وفاقی وزیر اطلاعات تے نشریات چوہدری فواد حسین

اسلام آباد ۔ 17 اپریل (اے پی پی) وفاقی وزیر اطلاعات تے نشریات چوہدری فواد حسین آکھیے جو آغا سراج درانی اسپیکر بنڑن،ڈان نہ بنڑن،خرم شیر زمان کوں ایوان اچ دھمکیاں ڈیونڑ قابل مذمت اتے افسوس ناک ہے،پارلیمان اتے جمہوریت دا رونڑاں رونڑ آلے اسپیکر سندھ اسمبلی دارویہ ڈیکھ گھنڑ۔بدھ کوں اپنڑے ہک بیان اچ وفاقی وزیر اطلاعات تے نشریات چوہدری فواد حسین آکھیا جو اسپیکرقومی اسمبلی اسد قیصر اپوزیشن اراکاناں دے پروڈکشن آرڈر جاری کرنڑ اتے تساڈا اسپیکر اساڈے ارکاناں کوں دھمکیاں ڈیوے؟ایہ ہے تساڈے اساڈے وچال فرق۔انہاں آکھیا جو اسپیکر اسمبلی ارکاناں دا محافظ ہوندے، لیکن سندھ اسمبلی دا رکن اپنڑے نگران توں غیر محفوظ ہے۔انہاں آکھیا جو سندھ حکومت کوں کرپشن مافیا اپنڑے آپ کو بچاونڑ سانگے ڈھال دے طور تے استعمال کر یندی پئی ہے۔