اسلام آباد ۔ 14 اپریل (اے پی پی) وفاقی وزیراطلاعات ونشریات چوہدری فوادحسین آکھیے جو احتساب دا عمل ٹردا راہسی،بدعنوانی دے خلاف جنگ سارے طبقیاں دی جنگ اے،مہانگ، ڈالر دا ملھ ودھنڑاتے ساڈے اکثر مسلیاں دے ذمہ وار کئی ڈھاکیاں تئیں راج کرنڑ آلے ترائے خاندان ہین جیں منی لانڈرنگ کر تے لٹی دولت باھرو بھیجی اے،زرداری اتے شہبازشریف احتساب کوں انتقام آکھ تے بچ نئیں سگدے،بدعنوانی نال کمائی گئی دولت پاکستان ولا گھن آسوں،وزیراعظم عمران خان پاکستان دے مقبول ترین لیڈرہین، پوری قوم انہاں دے نال کھڑی اے۔ اے گالھ وزیراطلاعات ونشریات چوہدری فوادحسین اسلام آباد اچ وزیر مملکت حماد اظہر اتے وزیراعظم دے معاون خصوصی بیرسٹر شہزاد اکبرنال پریس کانفرنس کریندے آکھی۔ انہاں آکھیا جو حدیبیہ توں شروعت تھیونڑ آلا سفر ہل میٹل تون تھیندا ہویازرداری دے اومنی گروپ اتے شہباز شریف دے ٹی ٹیز تئین پج گئے،نوازشہباز اتے زرداری ٹبراں کرپشن ،لت مار اتے دولت منتقلی کیتے ہکو طریقہ اختیار کیتے،منی لانڈرنگ کیسز دے حقائق ضرور سامنڑے گھن آئے ویسن،عوام کوں ڈسیسوں جو ملک کون کین اتے کیوین لٹیے،ملک کوں قرض وات کیتا گئے،قوم دا پیسہ لٹ تے منی لانڈرنگ کیتی گئی اے،نواز شریف، شہباز شریف اتے زرداری ٹبر دا ہکو مقصد ہا جو سرکاری پیسے اتے وسائل کیویں کھادے ونجن،پہلے ناجائز دھن کوں جائز کرنڑ کیتے 1992ءاچ اقتصادی اصلاحات دا ایکٹ متعارف کرایا گئے،حدیبیہ پیپر مل لٹ مار دی وڈی مثال اے۔
