استعفیٰ کائنی ڈیندا پیا،اے ویلھا بھجنڑ دا نی عوام نال کیتے گئے وعدے پورے کرنڑ دا اے، ، گورنر پنجاب چودھری محمد سرور دا پریس کانفرنس توں خطاب

لاہور۔24 اپریل(اے پی پی )گورنر پنجاب چودھری محمد سرور آکھیا جو استعفیٰ کائنی ڈیندا پیا،اے ویلھا بھجنڑ دا نی عوام نال کیتے گئے وعدے پورے کرنڑ دا اے،تحریک انصاف فیملی وانگوں اے جئیں اچ کوئی اختلاف کائنی،وزیراعلیٰ پنجاب اتے سپیکر پنجاب اسمبلی نال کوئی اختلاف کائنی،پنجاب آب پاک اتھارٹی ایں گالھ دا ثبوت اے،پنجاب کوں 100فیصد وزیراعلیٰ پنجاب چلیندے پن،اپنڑے آئینی اختیارات دے اندر رہ کراہیں کم کرینداں پیاں،صوبہ اچ تقرر تے تبادلے دا اختیار وزیراعلیٰ پنجاب کنے اے،کوئی اگر آکھے جو شہباز شریف توں عثمان بزدار دے اختیارات گھٹ ہن تاں اے خام خیالی اے۔او بدھ کوں گورنر ہاﺅس لاہور اچ پریس کانفرنس توں خطاب کریندے پے ہن ۔