اقتصادی رابطہ کمیٹی ہک لکھ ٹن یوریا درآمد کرنڑ دی منظوری ڈے ڈتی

اسلام آباد ۔ 3 اپریل (اے پی پی) کابینہ دکی اقتصادی رابطہ کمیٹی ملک اچ کھاد دی فراہمی یقینی بنڑاونڑ کیتے ہک لکھ ٹن یوریا درآمد کرنڑ دی منظوری ڈے ڈتی اے۔وزیر خزانہ دے زیر صدارت اجلاس اچ ملک اچ کھاداں دی فراہمی دی صورتحال اتے ایندے بئے امور دا جائزہ گھدا گئے۔اجلاس اچ موسم گرما اچ کھاد پیداکرنڑ آلے پلانٹس کوں ڈتی ونجنڑ آلی گیس ،بجلی پیدا کرنڑ آلے کارخانیاں کوں ڈیونڑ دی صورت اچ وادھو کھاد دی درآمد دی وی اجازت ڈتی گئی اے اتے کساناں کوں کھاد فراہمی یقینی بنڑاونڑ کیتے ہک لکھ ٹن یوریا برآمد کرنڑ دی منظوری ڈتی گئی۔اجلاس اچ وزارت صنعت و پیداوار کوں کھاداں دے قیمتاں دے طریقہ کاردے جائزہ اتے کساناں کوں سستی کھاد ڈیونڑ دی وی ہدایت کیتی گئی۔