اقتصادی رابطہ کمیٹی ہک لکھ ٹن یوریا درآمد کرنڑ دی منظوری ڈے ڈتی

اسلام آباد ۔ 3 اپریل (اے پی پی) کابینہ دی اقتصادی رابطہ کمیٹی ملک اچ کساناں کوں کھاد ڈیونڑ یقینی بناونڑ سانگے ہک لکھ ٹن یوریا درآمد کرنڑ دی منظوری ڈے ڈتی۔ اقتصادی رابطہ کمیٹی دااجلاس منگل کو ں اتھاںوزیر خزانہ اسد عمر دی صدارت اچ تھیا ۔ اجلاس اچ ملک اچ کھاداں دی فراہمی دی صورتحال اتے ایں توں متعلق امور داجائزہ گھدا گیا۔ اجلاس اچ گرمیاں دے موسم اچ کھاد بنڑاونڑ آلے پلانٹس کوں ڈتی گئی گیس، بجلی بنڑاونڑ آلے کارخاناں کوں منتقل کرنڑ دی صورت اچ ودھ کھاد دی درآمد دی اجازت ڈتی گئی۔ اجلاس اچ کساناں کوں کھاد ڈیونڑ یقینی بنڑاونڑسانگے ہک لکھ ٹن یوریا برآمد کرنڑ دی منظوری ڈتی گئی۔ اجلاس اچ وزارت صنعت تے پیداوار کوں کھاداں دی قیمتاں دے طریقہ کار داجائزہ گھنڑ دی وی ہدایت کیتی گئی۔ اجلاس اچ کساناں کوں سستی کھاد ڈیونڑ یقینی بناونڑدی وی ہدایت کیتی گئی۔