اسلام آباد۔ 13 اپریل (اے پی پی)الیکشن کمیشن کے پی کے دے حلقہ پی کے 100توں 115 اچ انتخابات کیتے متعلقہ اضلاع اچ انتخابی فہرستوں دی نظر ثانی دا کم مکمل کرگھدے۔ الیکشن کمیشن دے ترجمان دے مطابق 26 لکھ توں ودھ ووٹرزدیاں تجدید شدہ انتخابی فہرستاں متعلقہ اضلاع کوں ڈے ڈتیاں گین۔ ووٹرزاپنڑے ووٹ دے اندراج اتے ہیلپ لائن دی تفصیلات جانڑن کیتے اپنڑا شناختی کارڈ نمبر 8300 تے ایس ایم ایس کرتے مطلوبہ معلومات گھن سگدن۔ اندراج و منتقلی ووٹ کیتے فارم نمبر21 ضلعی الیکشن کمشنر اتے رجسٹریشن افسر دے دفتر اچ درخواست ڈتی ونج سگدی اے۔الیکشن شیڈول جاری تھیونڑ تے انتخابی فہرستاں منجمد کرڈتیاں ویسن۔شیڈول دا اعلان اپریل دے آخری ہفتے متوقع اے۔سارے دفاتر دی تفصیلات اتے فارم نمبر21 الیکشن کمیشن آف پاکستان دی ویب سائٹ تے گھدے ونج سگدے۔
