اسلام آباد ۔ 12 اپریل (اے پی پی) صدرمملکت ڈاکٹر عارف علوی آکھیے جو انسانیت دی تکمیل کیتے علم اہم شعبہ اے ،اج دے دوراچ علم کیتے رستے کھل گن جیں توں فائدہ چاونڑ کیتے معاشرے کوں ترقی دے رستے تے ٹوریا ونج سگدے جیرھا جو معاشرہ اپنڑیاںکمزویاں دی بحالی تے کم نہ کرے ترقی نی کر سگدا ۔اے گال انہاں جمعے کوں اتھاں ایئر یونیورسٹی دے کانووکیشن توں خطاب کریندے ہوئیں آکھی۔صدر مملکت طالب علماں ،استاداں تے والدین کوں مبارخ ڈیندے ہوئیں آکھیے جو ائیر یونیورسٹی علم دے میدان اچ نویں جہت متعارف کرائین۔ انہاں علم دی اہمیت کوں اجاگر کریندے ہوئیں آکھیے جو انسانیت دی تکمیل کیتے علم اہم شعبہ اے ،قوم علم دی روشنی کھنڈا تے معاشریں کوں ترقی ڈتی۔صدر آکھیا جو اج دے دور اچ علم کیتے رستے کھل گن جڈاں جو لوکاں دی تربیت دا آغاز گھروں تھیندے ۔ڈاکٹر عارف علوی آکھیا جو معاشرے دی ترقی کےتے مساوات اہمیت رکھیندی اے ، ملک کیتے او اشرافیہ چنگی کائنی ہوندی جیرھی جو صر ف اپنڑے کیتے سوچے ۔انہاں آکھیا اساں ساریں کوں رل تے قومی ترقی اچ اپنڑاں حصہ پاونڑاں چاہیدے۔صدر پاکستان اچ نینگراں دی بہوں وڈی تعداد دا حوالہ ڈیندے ہوئیں آکھیے جو نینگر آبادی کہیں وی ملک دا اثاثہ ہوندی اے ،پاکستان تے نینگراں توں اساکوں بہوں ساریاں امیداں ہن۔
