او ویلھا پرے کائنی جڈاں دہشت گرداں دا پورا صفایا تھی ویسی،وفاقی وزیر اطلاعات تے نشریات چوہدری فواد حسین دی کوئٹہ اچ بم دھماکہ دی مذمت ،قیمتی انسانی جاناں دے ضیان تے ڈکھ تے افسوس

اسلام آباد ۔ 12 اپریل (اے پی پی) وفاقی وزیر اطلاعات و نشریات چوہدری فواد حسین کوئٹہ اچ بم دھماکہ دی مذمت ،قیمتی انسانی جاناں دے ضیان تے ڈکھ تے افسوس کیتا۔اپنڑے مذمتی بیان اچ انہاں آکھیا جو دہشت گرد پاکستان دے امن کوں ضیان پجا کراہیں ترقی دے عمل کوں نشانہ بنڑاونڑ چاہندن۔انہاں آکھیا جو او ویلھا پرے کائنی جڈاں دہشت گرداں دا پورا صفایا تھی ویسی۔انہاں دعا کیتی جو اللہ سئیں شہیداں دے درجات بلند،لواحقین کوں صبر اتے زخمیاں کوں جلدی صحت ڈیوے۔