اگر قیادت ایماندار ہووے تاں کہیں دے اگوں جھکا نئی تھیونڑاں پوندا، وزیرخارجہ شاہ محمودقریشی

ملتان ۔19اپریل(اے پی پی)وزیرخارجہ شاہ محمودقریشی آکھیے جو اگر قیادت ایماندار تے مخلص ہووے تاں ولا کہیں دے سامنڑے جھکا کائنی تھیونڑاں پوندا ،اساں دے بیورو کریسی دے کجھ لوکاں دی کرپشن دی وجہ توں بہوں سارے مسئلے پیدا تھیندے پن اگر اینویں نہ ہووے تاں اساں ودھ ترقی کریندے ۔اے گال انہاں این ایف سی انسٹی ٹیوٹ آف انجینئرنگ اینڈٹیکنالوجی ملتان دے دورہ دے دوران آکھی اے ۔ بریفنگ دے موقع تے وزیرخارجہ شاہ محمودقریشی گال مہاڑ کریندے ہوئیں آکھیا جو میکوں ایں ادارے اچ آتے بہوں خوشی تھئی اے ،اتنی معیاری تعلیم تے انفراسٹرکچر دے منصوبے اپنڑی مدد آپ دے تحت بنڑائے گن اتھاں آتے میڈاحوصلہ بلند تھئے حالی وی اسادے ملک اچ خدمت لگن تے جذبے آلے لوک موجود ہن جیرھے جو حکومتی فنڈز یاعوام دے ٹیکساں دے پیسے دی بجائے خود ہی ذمے واری تے ایمانداری نال اعلیٰ معیار دا کم کریندے پن ،اگر ایہو جذبہ ہووے تاں سرکاری ادارے اچ آونجے تاں اساڈا ملک کتھوں توں کتھاں پج ویندا ۔انہاں آکھیا جو این ایف سی انسٹی ٹیوٹ آف انجینئرنگ دی کارکردگی عمران خان اتے صدر مملکت دے سامنڑے رکھیساں تے کوشش کریساں جو انہاں کون اتھاں سڈ تے گھن آواں تے میں ڈے اکثر ڈونرز آرتے روونڑاں روندن انہاں تعلیم صحت دے فلاحی منصوبیں کیتے کروڑاں روپے ڈتن لیکن کم تے نتیجے نظر کائنی آندے ،اے ادارے دے لوکاں دی ہک مثال اے ،انہاں ادارے دی انتظامیہ کوں ہدایت کیتی جو اپنڑی کاکردگی تے دستیاب سہولتاں تے معیار تعلیم دی مارکیٹنگ کرن تاں جو پورے ملک توں طالب علم معیاری تعلیم گھننڑ اتھاں آون۔