اسلام آباد ۔ 30 اپریل (اے پی پی) منگل کوں قومی اسمبلی اچ پالیسی بیان ڈیندے ہوئیں وفاقی وزیر توانائی عمر ایوب خا ن آکھیا جواوگرا ولوں پٹرولیم مصنوعات دی قیمتاں اچودھارے سانگے بھجوائی گئی سمری کابینہ ای سی سی کوں بھیجنڑ دافیصلہ کیتے ۔انہاں آکھیا جوایں ویلھاخطے دے بئے ملکاں دے مقابلے اچ پاکستان اچ قیمتاں گھٹ ہن‘ موجودہ حکومت ، پٹرولیم مصنوعات دہ قیمتاں اچ ودھارے دابھار نہ پاونڑنال 150 ارب روپے دا خسارہ برداشت کیتے۔انہاں آکھیا جو عالمی سطح تے تیل دے حوالے نال ڈو ملین بیرل فی ڈینھ گھٹکی آونڑ آلی ہے۔ سعودی عرب اتے یو اے ای اپنڑیں پیداوارودھیسن۔ تیل دی قیمت 80 ڈالر فی بیرل تے پج سگدی ہے۔ایں ویلھا 76 بیرل فی ڈالر ہے۔ انہاں آکھیا جواوگرا دی سمری آئی ہائی جو قیمتاں اچ ودھار کیتا ونجے۔ کابینہ این تے غور کیتے اتے فیصلہ کیتے جو ای سی سی اچ ایہ معاملہ زیر غور لاتا ونجے۔ پاکستان اچ ڈیزل 117 روپے‘ چین اچ 130 روپے ہے۔ افریقہ اچ 140 روپے فی لیٹر ہے۔ترکی 164‘ پٹرول 98‘ بھارت 143 ‘ افریقہ 151‘ ترکی 180 روپے فی لیٹر توں ودھ ہے۔ا یہ سارے ملک تیل درآمد کریندن۔ پاکستان اچ قیمت سبھ توں گھٹ گھٹ ہے۔ گزریل حکومت دی وجہ نال خزانہ خالی ملیا۔ سرکلر ڈیٹ 1400 ارب روپے ہے۔ گیس دی قیمتاں اچ ودھارا انہاں نئیں کیتا۔ 180 ارب روپے دا سرکلر ڈیٹ چھوڑیا گیا۔ انہاں آکھیا جو حکومت عوام کوں آثرا ڈتے۔ 150 ارب روپے دا بھار عوام تے نئیں پوونڑ ڈتا
