باہمی رابطیاں نال معاشی ترقی دے نویں رستے نکلسن،پاکستان کوں چین دا بنیادی شراکت دار ہوونڑ تے مانڑ اے،وزیراعظم عمران خان

APP03-27 YANQI LAKE: April 27 - Prime Minister Imran Khan delivering remarks during the Leaders Roundtable Session of 2nd Belt and Road Forum in International Convention Center. APP

بیجنگ ۔ 27 اپریل (اے پی پی) وزیر اعظم عمران خا ن بیجنگ اچ ڈوجھے بیلٹ اینڈ روڈ فورم دے موقع تے لیڈرز راﺅنڈ ٹیبل مذاکرے دے پہلے سیشن نال خطاب اچ آکھیے جوپاکستان کوں چین دا بنیادی شراکت دار ہوونڑ تے مانڑ اے، ون بیلٹ ایند روڈ اقدام نال باہمی رابطیاں نال معاشی ترقی دے نویں رستے نکلسن،چین پائیدار معاشی شرح نمو، معاشرے دی فلاح و بہبوداتے ارباں لوکاں دا جیونڑ سوکھا کرنڑ کیتے وڈیاں کامیابیاں گھدن،بیلٹ اینڈ روڈ تصور تجارتی رکاوٹاں مکاونڑ،معاشی ترقی اتے مشترکہ خوشحالی کیتے اجوکا ویژن اے، اساں سی پیک دے تحت وڈیاں سڑکاں ، ریلوے وسائل اچ ودھارے،نویں پاور پلانٹس دی تنصیب، گوادر اچ جدید بندرگاہ اتے مخصوص اقتصادی زونز بنڑیندے پئے ہیں، سی پیک نال معاشرتی ترقی اتے فلاح اچ مدد ملسی۔انہاں دا آکھنڑ ہا جوسی پیک ہک منصوبہ ہی نئیں پورے خطے دی معاشی اتے سماجی حالت بدلنڑ دا ہک ویژن اے،بی آئی آر پاروں باہمی روابط اچ ودھارا،کئی شعبیاں وچ ودھ توجہ ،ڈیجیٹل رابطیاں اتے معلومات دے تبادلے دے موقع نکلسن،ثقافتی روابط نال سیاحت کوں ترقی ملسی،روزگار نکلسی،سرمایہ کاری اتے چھوٹے وپار کون وی ودھارا ملسی۔ انہاں تجویز ڈتی جو بی آر آئی ممالک بی آر آئی ٹور ازم کوریڈور بنڑاون تاں جو ثقافت و سیاحت کوں ترقی ملے،ودھ افرادی قوت آلے ملکاں دے کارکناں دیاں مہارتاں کوں موقع ڈتے ونجن تاں جو انسانی وسائل دی قلت دے شکارملکاں دی معاونت تھیوے،مختلف زباناں دے ڈیجیٹل پلیٹ فارمز نال پیداواری اداریاں، صارفین اتے ہنر مند افرادی قوت کوں ودھایا ونج سگسی،جیکر خطے اچ رابطے ودھسن تاں خوشحالی آسی اتے اساں حل طلب مسائل دے مشترکہ حل دا سوکھا رستہ گول سگسوں۔