ٹوکیو ۔ 23 اپریل (اے پی پی) وزیر خارجہ مخدوم شاہ محمود قریشی آکھیے جو پاکستان اچ تجارت تے سرمایہ کاری دے بہوں سارے موقع موجود ہن تے جاپانی کمپنیاں آئی ٹی، چھوٹی تے درمیانی سطح دیاں صنعتاں تے زراعت سمیت مختلف شعبیں اچ سرمایہ کاری کر سگدن ۔ اے گال انہاں چیئرمین جاپان پاکستان بزنس کوآپریشن کمیٹی ولوں ٹوکیو اچ اپنڑے اعزاز اچ ڈتے گے ظہرانے دے موقع تے آکھی اے ۔وزیر خارجہ شاہ محمود قریشی آکھیا جو پاکستان اچ موجودہ حکومت امن تے استحکام ،تعمیر تے ترقی تے عوامی بہبود کوں پیش نظر رکھیندے ہوئیں اقتصادی ترقی دے ایجنڈے تے عمل کریندا پئے ، پاکستان اچ تجارت تے سرمایہ کاری دے بہوں سارے موقع موجود ہن ۔ مخدوم شاہ محمود قریشی آکھیا جو اساں جاپان دے سرمایہ کاراں کوں دعوت ڈیندوں جو او پاکستان اچ خصوصی اقتصادی زون توں فائدہ چیندے ہوئیں وسیع مارکیٹ تئیں رسائی حاصل کرن ۔
