اسلام آباد ۔ 7 اپریل (اے پی پی) وزیراعظم عمران خان آکھیے جو پچھلے ڈاہ سال اچ گھدے ونجنڑ آلے 60 ارب ڈالر بیرونی قرضے دا حساب گھنڑا چاہیدے،حکمراناں عوام کوں قرضو کالا کر تے اپنڑے کھیسے بھرین،عوام کوں گمراہ کرنڑ آلیاں دی اصلیت توں پردہ چاونڑا چاہیدے،جیکر جنرل پرویز مشرف حدیبیہ کیس اچ شریف فیملی کوں این آر او نہ ڈیندے تاں اچ ملک اچ منی لانڈرنگ مک چکی ہوندی۔اے گالھ وزیراعظم عمران خان اسلام آباد اچ وفاقی وزیراطلاعات ونشریات چوہدری فواد حسین نال گالھ مہاڑکریندے آکھی۔وزیراعظم آکھیا جو حدیبیہ کیس دا فیصلہ میرٹ تے نئیں تھیا،بدقسمتی نال شریف خاندان کوں ملنڑ آلا این آر اوآونڑ آلے سارے کیساں اچ مثال دے طور تے استعمال کیتا گئے،ہنڑ تئیں منی لاندڑنگ دے سارے کیساں اچ حدیبیہ کیس دا ماڈل اگو رکھیا گئے،نواز شریف اتے آصف زرداری دے پیسے اچ ایہو ماڈل سامنڑے آئے۔وزیر اعظم وزیر اطلاعات کوں ہدایت کیتی جو او اے ساریاں تفصیلات میڈیا دے ذریعے عوام کوں ڈساون تاں جو لوکاں کون گمراہ کرنڑ آلیاں دا اصلہ چہرہ سامنڑےا ٓوے اتے او بے نقاب تھیون،ڈسایا ونجے جو ملکی معیشت کوں دلدل اچ پھساونڑ آلیاں کیویں مہانگ، غربت بیروزگاری اتے معاشی بدحالی کوں ودھائے،اتے اپنڑیان تجوریاں بھرین۔ انہاںا ٓکھیے جو موجودہ حکومت بے نامی قانون دے تحت قوائد اتے رولز بنڑائن ایندے نال منی لانڈرنگ تے قابو پاونڑ اتے بنھاں دے ناں تے جائیداداں رکھنڑ دی حوصلہ شکنی تھیسی۔
