اسلام آباد ۔ 14 اپریل (اے پی پی) وزیراعظم دے معاون خصوصی برائے احتساب بیرسٹر شہزاد اکبرآکھیے جو ڈاہ سالاں اچ ترائے حکمران خانداناں ہکے مقصد اتے ہکے طریقے نال ملک و قوم کوں لٹیے اتے ہکو جھیں ایجنٹاں توں فیدے چاتن،جیکر تریمتیں توں منی لانڈرنگ کرویسو تاں سوال ضرور تھیسن۔اے گالھ انہاں اسلام آباد اچ ہک پریس کانفرنس دے دوران آکھی۔ انہاں آکھیا جو کل تریمتیں دی گرفتاری دا ہکو ایشو کھڑا کیتا گئے،بھل قانونی گالھ اے ہے جیکر نصرت شہباز دے اکاﺅنٹ اچ ملین ڈالردی ٹی ٹی تھیندی اے یاں انہاں دے دھیریں پتراں دے اکاﺅنٹس اچ رقوم منتقل تھیندن تاں نیب کوں سوال کرنڑ دا حق اے،جیکر نیب سوال نہ کریسی تاں نیب دے کردارتے سوالات آسن،نیب قانون و آئین دے مطابق کم کریندا پئے،تحقیقات اچ کوئی رکاوٹ برداشت نہ کیتی ویسی،کرپشن دے خلاف جنگ صرف عمران خان دی نئین پوری قوم دی جنگ اے،تحقیقات جاری ہین،لگدے ن لیگ دی وی کوئی ایان علی سامنڑے آ ویسی۔
