اسلام آباد ۔ 8 اپریل (اے پی پی) وزیر خزانہ اسد عمر آکھیا جو حکومت اثاثیاں دی ڈیکلریشن سانگے ایمنسٹی سکیم متعارف کریندی پی اے،فائدہ نہ چاونڑ آلے لوکاں دے خلاف کاروائی کیتی ویسی۔سنوار کوں اتھاں بی آئی ایس پی ہیڈکوارٹرز دے آڈیٹوریم اچ وسط مدتی اقتصادی فریم ورک دی افتتاحی تقریب نال خطاب کریندیں ہوئیں وزیرخزانہ آکھیا جو اثاثیاں کوں ظاہر نہ کرنڑ سانگے حکومت رعایتی سکیم دے خدوخال کوں چھیکڑی شکل ڈیندی پی اے،آندے ہفتے اچ ایں سال دی ساری تفصیلات ڈتی ویسی،اساں باہرلے ملکاں توں پاکستانیاں دے اکاﺅنٹس اتے اثاثیاں بارے معلومات ملدیاں پئن،بے نامی لین دین بارے وی قانون بنڑیندے پیوں۔ وزیر خزانہ آکھیا جو ڈیجیٹل فنانس دے تحت اداریاں دی استعدادکار وی بہتر بنڑیندے پیوں ۔
