اسلام آباد۔ 13 اپریل (اے پی پی)وفاقی وزیربرائے منصوبہ بندی ،ترقی واصلاحات مخدوم خسرو بختیارآکھیے جو حکومت قومی معیشت دے استحکام کیتے سارے اقدامات کریندی پئی اے۔اپنڑے ہک انٹرویو اچ وفاقی وزیربرائے منصوبہ بندی ،ترقی واصلاحات مخدوم خسرو بختیارآکھیا جو موجودہ حکومت زندگی دے ہرشعبے اچ نمایاں بہتری گھدی آندی اے،قرضاں دے حصول دے بعد ملک اچ کئی ترقیاتی منصوبیاں دے آغاز نال مجموعی ملکی پیداواراچ ودھارا تھی سگدے بھل اے پائیداراتے مناسب پالیسی نہ ہوسی۔ انہاں آکھیے جو حکومت دی دانشمندانہ معاشی پالیسیاں نال غیرملکی زرمبادلہ دے ذخائرودھین اتے مالی خسارے اچ کمی آئی اے، براہ راست غیرملکی سرمایہ کاری اچ وی بہوں مثبت رجحان ڈٹھا گئے جیہڑا پاکستان اچ سرمایہ کاری بارے عالمی برادری دی گھاٹی توجہ اتے دلچسپی داثبوت اے۔ہک سوال دا ولدا ڈیندے ہوئیں انہاں آکھیا جو حکومت چین پاکستان اقتصادی راہداری منصوبے تے کم کریندی پئی اے ،حکومت اقتصادی راہداری تے وی کم تیزی نال جاری رکھیسی اتے ایکوں بیا اگو تے ودھایا ویسی۔
