اسلام آباد ۔ 29 اپریل (اے پی پی) وزیر مملکت پارلیمانی امور علی محمد خان آکھیے جو حکومت ریڈیو پاکستان کوں چنگے توں چنگا بنڑیسی‘ ریڈیو پاکستان چترال دی نشریات دا ٹائم ودھاونڑ دی ہدایت کرڈتی ہے۔ سنوار کوں قومی اسمبلی اچ وقفہ سوالات دوران مولانا عبدالاکبر چترالی دے سوال دے جواب اچ علی محمد خان آکھیا جو ایں ویلھاریڈیو پاکستان چترال اچ کل 32 ملازم کم کر یندے پن‘ چترال اچ ریڈیو دے جنریٹرز کوں سولر تے منتقل کرنڑ دی ہدایت کیتی ہے۔ ریڈیو چترال دا ٹائم ودھاونڑ دی وی ہدایت کیتی ہے۔ ڈیلی ویجز ملازماں کوں مستقل کرنڑ دی فی الحال کوئی تجویز کائنی ،تاں جو انہاں کوں نوکریاں توں کائنی کڈھیا ویندا پیا ۔ حکومت ریڈیو کو ں چنگا توں چنگا بنڑیسی۔
