اسلام آباد ۔ 3 اپریل (اے پی پی) وفاقی وزیر صحت عامر محمود کیانی آکھیے جو حکومت پولیو مکاونڑ کیتے پر عزم اے،حکومتی سرپرستی اچ سارے ادارے پولیو مکاونڑ سانگے کٹھا کردار ادا کرن۔ اے گالھ انہاں اسلام آباد اچ پولیو بارے بریفنگ اچ الویندے آکھی۔ وزیراعظم دے معاون برائے پولیو بابربن عطاءوفاقی وزیر صحت عامر محمود کیانی کوں مارچ اچ تھیونڑ آلی انسداد پولیو مہم دی تفصیلات ڈسائن جو 22 اپریل توں ملک گیر پولیو مہم شروع تھیندی پئی اے جیندے کیتے تیاریاں جاری ہین۔وفاقی وزیر صحت آکھیا جو حکومت دی سرپرستی اچ سارے ادارے رل مل تے پولیو مکاونڑ کیتے کم کرن تاں جو ایں مرض توں ہمیشہ توں جان چھڑوا تے معصوم بالاں کوں ہمیشہ دی معذوری توں بچایا ونج سگے۔بریفنگ اچ سیکرٹری صحت، ڈی جی صحت، عالمی ادارہ صحت اتے یونیسیف دے نمائندیاں وی شرکت کیتی۔
