ابوظہبی ۔ 11 اپریل (اے پی پی) دبئی اچ ”قرآن کریم پارک“ دے ناں تے ہک نویکلی تفریح گاہ بنڑائی گئی اے جیندے اچ باغات اتے مناظر قدرت کو ں قرآن پاک اچ ڈسیے گئے واقعات آلی کار پیش کیتا گئے۔ مخصوص دینی ماحول اچ بنڑیے ”القرآن پارک“ کوں زائرین کیتے کھول ڈتا گئے۔زائرین دی اسلام اتے قرآن بارے معلومات جانڑن کیتے قرآن اچ ڈسائے گئے واقعات کوں 12 مختلف مجسم باغات اچ پیش کیتا گئے۔ایں توں علاوہ ”غارمعجزات“ اتے بحر الاحمر کوں چیرنڑ دے حضرت موسیؑ دے واقعے کوں تمثیلی اندازاچ پیش کیتا گئے۔ القرآن پارک اچ انجیر، زیتون، انگور اتے اناردے 64 ہیکٹردے باغات لائے گین،انہاں پھلاں دے قرآن وسنت اچ طبی اتے سائنسی فوائدوی ڈسائے گین۔ غار معجزات اچ انبیاءکرام دے معجزات کوں تھری ڈی ٹیکنالوجی نال ڈکھایا گئے۔
