اسلام آباد ۔ 22 اپریل (اے پی پی) پاکستان جموں کشمیر لبریشن فرنٹ دے چیئرمین یاسین ملک دی مسلسل حراست اتے وگڑدی صحت تے تشویش دا اظہار کیتے، یاسین ملک کوں کالے قنون پبلک سیفٹی ایکٹ تحت گرفتار کیتا گیا ہا اتے انہاں دی صحت سخت خراب ہونڑ دے باوجود بد نام زمانہ تہاڑ جیل منتقل کیتاگئے۔ سنوار کوں دفتر خارجہ توں جاری بیان مطابق یاسین ملک دی صحت خراب ہونڑ دے باوجود انہاں دے گھر آلیاں کوں دیر نال ڈساونڑ،انہاں دی ملاقات دی اجازت نہ ڈیونڑ ،انہاں دے قنونی، اخلاقی اتے جمہوری حق دی خلاف ورزی ہے۔ یاسین ملک اتے کشمیری عوام دے انہاں دی صحت اتے تحفظ بارے خدشات جائز ہن۔ وزارت خارجہ توقع ظاہر کیتی ہے جو بھارتی حکومت یاسین ملک کوں چنگیاں صحت دیاں سہولتاں ڈیونڑ سمیت ،انہاں دا چنگا خیال رکھے۔ انہاںعالمی برادری تے زورڈتے جواہ بھارت کو ں ایجھاغیر انسانی سلوک توں روکنڑ، آرمڈ فورسز سپیشل پاور ایکٹ ورگے کالے قنون کوں ختم کرنڑ سانگے پریشر پاونڑ۔ مقبوضہ کشمیر اچ کشمیریاں تے ظلم اتے انہاں کوں حراساںکرنڑ بند کیتاونجے اتے اقوام متحدہ دی قرارداداں اتے کشمیری عوام دی خواہشات مطابق مسئلہ کشمیر دے وختی حل سانگے اقدامات کیتے ونجنڑ۔
