اسلام آباد ۔ 10 اپریل (اے پی پی) وفاقی وزیر ریلوے شیخ رشید احمد آکھیے جو راولپنڈی شہر تے کینٹ اچ تعلیمی اداریں ،صحت دے مرکز تے بئے میگا پراجیکٹس دا جال وچھا ڈیسوں اساں عوام نال جیرھے وی وعدے کیتن او پورے کریسوں۔ وفاقی وزیر ریلوے شیخ رشید احمد بدھ کوں پوسٹ گریجویٹ کالج خواتین صدر دی زیر تعمیر عمارت دا دورہ کیتا جتھاں ڈویژنل سپریٹنڈنٹ ریلوے سید منور شاہ، محکمہ تعلیم، بلڈنگ ڈیپارٹمنٹ سمیت بئے متعلقہ حکام انہاں کوں بریفنگ ڈتی ۔ایں موقع تے قومی خبر رساں ادارے ”اے پی پی“ نال گال مہاڑ کریندے ہوئیں وفاقی وزیر ریلوے شیخ رشید احمدآکھیا جو 11اپریل کوں لاہور ویساں جتھوں وزیراعلی پنجاب دے رلے 12اپریل کوں ریل کار دے ذریعے لاہور توں راولپنڈی آسن ۔شیخ رشید احمد ڈسایا جو راولپنڈی شہرتے وکینٹ اچ تعلیمی اداریں ،صحت دے مرکزاتے دیگر میگا پراجیکٹس دا جال وچھا ڈیسوں ۔
