سارے اسٹیک ہولڈرز دے مشورے دے بعد ورلڈکپ 2019ءسانگے اسکواڈ چنڑیا ویسی،قومی کرکٹ ٹیم دے کپتان سرفراز احمد دا نجی ٹی وی چینل کوں انٹرویو

اسلام آباد ۔ 8 اپریل (اے پی پی) قومی کرکٹ ٹیم دے کپتان سرفراز احمد آکھیا جو سارے اسٹیک ہولڈرز دے مشورے دے بعد ورلڈکپ 2019ءسانگے اسکواڈ چنڑیا ویسی،ان فارم کھڈاریاں تے چنگی ٹیم چنڑی ویسی،پوری امید اے جو پاکستان ایں وڈے ایونٹ دا فائنل ضرور کھیڈسی۔انہاں پیشین گوئی کیتی جو آسٹریلیا،نیوزی لینڈ،بھارت اتے پاکستان دی ٹیماں ورلڈ کپ اچ ساریاں توں اُتے ابھر کراہیں امسن۔کپتان دا آکھنڑ ہئی جو ٹیم میچ اچ آرمی کپ پا سگدی اے۔ہک سوال دے جواب اچ انہاں آکھیا جو ورلڈکپ اچ کہیں وی کھڈاری دے زخمی تھیونڑ تے اوندا متبادل اتھاں موجود ہوسی۔