کرائسٹ چرچ۔ 4 اپریل (اے پی پی)نیوزی دے شہر کرائسٹ چرچ دیاں مسیتاں اچ دہشتگردی کرنڑ آلے دہشتگردبرنٹن ٹیرنٹ کوں جمعہ کوں بیاں فرد جرم لاونڑ کیتے بذریعہ وڈیو لنک عدالت پیش کیتا ویسی اتے اوندے تے اقدام قتل دے 50 فرد جرم لایان ویسن۔دہشتگردی دے دوجھے ڈینہہ دہشتگرد تے ہک فرد جرم لائی گئی بھل بعد اچ شہادتان دی تعداد ودھنڑ تے بیاں فرد جرم لاونڑ دا وی فیصلہ کیتا گیا ہا۔کرائسٹ چرچ دی ہائی کورٹ اچ برنٹن ٹیرنٹ تے اقدام قتل دی 50 اتے قاتلانہ حملے دی 39 دفعات لگسن۔ پولیس موجب دہشتگرد ایں ویلھے آک لینڈ دی جیل اچ اے جیکوں بذریعہ وڈیو لنک عدالت پیش کیتا ویسی ۔عدالت موجب عدالتی پیشی اچ برنٹن کوں رحم دی اپیل دی سہولت نہ ہوسی ۔میڈیا کوں وی عدالتی کارروائی دی کوریج توں روک ڈتا گئے۔واضح راہوے جو کرائسٹ چرچ حملیاں دے 24 زخمی حالی وی مختلف ہسپتالان اچ زیر علاج ہین جیندے چار سالہ بالڑی سودھے 4 زخمیاں دی حالت خطرے اچ اے۔
