اسلام آباد ۔ 5 اپریل (اے پی پی) صدر مملکت ڈاکٹر عارف علوی ملک اچ ترقی و خوشحالی کیتے وڈے پیمانے تے سرمایہ کاری دی اہمیت ودھیندے آکھیے جو جگ جدید ٹیکنالوجی اپنا تے ترقی دی دروک اچ اگو تے ویندا پئے،ساڈے نینگراں کوں جدید ٹیکنالوجی چنگی سمجھدے ہوئے سائنس و ٹیکنالوجی دے شعبہ اچ موقعیاں توں فیدہ چاونڑا چاہیدے اتے ملکی ترقی اچ ہتھ ونڈاونڑان چاہیدے۔اے گالھ انہاں ایچ ای سی ولوں فنی تربیت دے مقابلیان دی تقریب نال خطاب اچ آکھی ۔ انہاں تقریب رکھاونڑ تے ایچ ای سی اتے ہواوے کمپنی دی کوشش دی تعریف کیتی جو سائنس و ٹیکنالوجی دے شعبہ دی ترقی ،تعلیم اتے صنعت اچ تعاون بے مثال اے جیندے نال صحت مند معاشرے دی تشکیل اچ مدد ملدی اے۔ انہاں آکھیے جو سائنس و ٹیکنالوجی نال جگ اچ انقلاب آ چکیے،پاکستان اچ مختلف شعبہ جات اچ جدید ٹیکنالوجی دا استعمال ودھاونڑا چاہیدے، الیکشن کمشین سودھے بئے اداریاں اچ ایندی ودھ اہمیت اے،انتخابات اچ آئی ٹی دے استعمال نال انتخابات کوں سوکھا اتے شفاف بنڑاونڑ اچ مدد ملی اے،انٹرنیٹ اتے سماجی رابطیاں دی ویب سائٹس ہک چنگاں ودھارا ہین جیندے نال معلومات تئیں رسائی اچ سوکھ ملدا پئے،ساکوں وی جدید ٹیکنالوجی دا استعمال کر تے چین جھیں ترقی دو ودھنڑا چاہیدے،ملک اچ ترقی و خوشحالی کیتے وڈی سرمایہ کاری دی لوڑھ اے تاں جو شہریاں دے جیونڑ اچ تبدیلی گھن آئی ونج سگے۔
