سری لنکا جیڑھی وی مدد منگسی ڈیسوں،ڈاکٹر عافیہ صدیقی اتے شکیل آفریدی بارے اپنڑے موقف تے قائم ہیسے، ، ترجمان دفتر خارجہ

اسلام آباد ۔ 25 اپریل (اے پی پی) پاکستان ’ سری لنکا کوں ہر قسم دے تعان دی پیشکش کرییندیں ہوئیں آکھیا جو سری لنکا جیڑھی وی مدد منگسی ڈیسوں،ڈاکٹر عافیہ صدیقی اتے شکیل آفریدی بارے اپنڑے موقف تے قائم ہیسے،ایران اچ وزیراعظم عمران خان دے بیان کوں سیاق و سباق توں ہٹ کراہیں پیش کیتا گے۔بھارت ولوںکشمیر سرحد تے تجارتی سرگرمیاں روکنڑ افسوس ناک اے،تجارت اتے اعتماد سازی دے بئے اقدامات ہمسایہ ملکاں اچ تعلقات سانگے بہوں ضروری ہن ۔خمیس کوں ہفتہ وار پریس بریفنگ اچ ترجمان دفتر خارجہ ڈاکٹر محمد فیصل آکھیا جو ایسٹر دے موقع تے المناک حملیاں دے بعد صدر مملکت عارف علوی،وزیر اعظم عمران خان اتے وزیر خارجہ شاہ محمود قریشی اپنڑے سری لنکن کم منصباں کوں فون کیتے اتے ہر قسم دی مدد اتے تعاون دی پیشکش کیتی اتے آکھیا جو پاکستان دی عوام اتے حکومت سری لنکن حکومت دے رلے کھڑن۔ہک سوال دے جواب اچ انہاں آکھیا جو امریکی سفارتخانے اچ کوئی فائرنگ رینج کائنی بنڑائی ویندی پئی ۔