سری لنکا دے گرجاگھراں،ہوٹلاں اچ کئی بم دھماکے، 200توں ودھ لوک ماریے گین،پنج سو زخمی

کولمبو ۔ 21 اپریل (اے پی پی) ایسٹر دے موقع تے سری لنکا دے ترائے گرجاگھراں اتے چارہوٹلاں اچ کئی بم دھماکے کیتے گین جیندے نال 200توںو دھ لوک ماریے گین اتے پنج سو زخمی تھین،مرنڑ آلیاں اچ 35 غیر ملکی وی شامل ہین، سانحے توں بعد ملک اچ کرفیو لا ءتے عارضی طورتے سوشل میڈیا بند کرڈتا گئے جڈاں جو سری لنکن وزیراعظم رانیل وکرم سنگھے جائے حادثہ دادورہ کیتے اتے سورتحال کوں ڈیہدے ہوئیں سیکیورٹی کونسل دا ہنگامی اجلاس سڈ گھدے۔سری لنکن صدر میتھری پالا سری سیناآکھیے جو اے حملے ہک بہوں وڈا دھچکا ہین،عوام صبر نال کم گھنین۔خبررساں اداریاں موجب دہشتگرداں سری لنکا دے 4 ہوٹلاںکنامن گارڈ، شانگریلا، کنگس بری اتے ٹروپوٹیکل ان دے نال نال چرچاں سینٹ انتھونی شرائن’، نیگومبو کا ‘سینٹ سیبسٹیرین چرچ’ اتے باتیکالوا دی ‘زیون چرچ’ کوں نشانہ بنڑائے اتے اٹھ دھماکے کیتن۔مرنڑ آلیاں اچ امریکا،برطانیہ اتے نیدر لینڈ سودھے کئی ملکاں دے 35شہری وی شامل ہین۔ملک اچ سوشل میڈیا تے پابندی لا ءتے کجھ ویلھے کیتے کرفیو وی لاءڈتا گئے تاں جوحالات کوں تیکھے قابو کیتا ونج سگے۔سری لنکن وزیراعظم رانیل وکرم سنگھے جائے حادثہ دادورہ کیتے اتے سورتحال کوں ڈیہدے ہوئیں سیکیورٹی کونسل دا ہنگامی اجلاس سڈ گھدے۔ڈوجھے پاسو بم دھماکیاں تے تشویش اتے مذمت کریندے ہوئیں سری لنکا دی صدر میتھری پالا سری سیناآکھیے جو اے حملے ہک بہوں وڈا دھچکا ہین،عوام گھبراون دی بجائے صبر نال کم گھنین۔دھمکیاں اچ ترائے پاکستانی وی زخمی تھین۔